Skoolfonds

Volgens die SA Skolewet 84 van 1996 (SASA) mag die Beheerliggaam die skoolgeld hef en is die betaling daarvan afdwingbaar. Beide die biologiese vader en/of moeder waar van toepassing, enige voog, van elke leerling is, gesamentlik en afsonderlik, aanspreeklik vir die betaling van skoolgeld.

Ouers wat nie finansiëel in staat is om die skoolgeld te betaal nie, kan voor einde Februarie 2024 aansoek doen vir skoolgeldvrystelling (LW. Parkieland se Gr RRRR tot R-leerlinge is uitgesluit hierby). Die nodige aansoekvorms is by die rekenmeester, me M Meyer beskikbaar en sal net oorweeg word as dit volledig voltooi en die stawende bewyse daarby aangeheg is. Die voorgeskrewe wetlike reëls (SASA) sal dan gevolg word om die persentasie van vrystelling te bepaal, al dan nie.

Alle skoolgeld is vooruitbetaalbaar.

Die maandelikse paaiemente moet stiptelik voor die 7de van elke maand betaal word. Die eerste betaling moet asb reeds voor of op 7 Januarie 2024 gemaak word.

Sodra die skoolgeld agterstallig raak, sal die volle skooljaar se uitstaande rekening aan die skool se invorderaars oorhandig word, waar die ouers aanspreeklik sal wees vir alle invorderingskoste, insluitende enige ander fooie.